((حلم شاعر))

حلم شاعر حلم شعر قصيده و شريط حلم شاعر حلم شاعر
.
كم لي وانا ما ذقت طعم النوم فاوّل مرقدي
كم لي وانا افتح للنوافذ حلم ماني صايده
...
للريح سلّمت البساط اللي من اوّل في يدي
وللشمس سلّمت الجذوع امّ الغصون المايده
...
أحس في هذا الزمن حتى المواعيد تغدي
والارض تمشي بالبشر ، من ثقلهم ، متحايده !
...
تعبت من طول المسافة فالزمان الجرهدي
والكايد احلى ، بسّ بي طعم النفوس الكايده !
...
ودّي بحلمٍ كلّما ضلّيت دربي يهتدي
حلم اوسع من الليل هذا اللي نجومه بايده
...
حلمٍ عشان يرتّب اشيائي يبعثر مشهدي
يعني : ينقّص في عيوني كلّ حاجة زايده!
...
ما يستفزّ الشاعر الا واقع الناس الرّدي
اللي مواقفهم على طول الطريق محايده !
...
وانا بـ ادوّر حلم في منفى عيوني لبلدي
أعيش به ما دام عيش الناس ما به فايده !
...
يا شجرة احلامي عطيني منك لو غصنٍ ندي
باقي من ايّامي عمر لا مرّ عيد يعايده
...
ما دام من بعضي معي حلمٍ يرتّب موعدي
ماني مدوّر رغبتي فالمفردات السايده !
...
آبــ انفض المستقبل الآتي واجدّد مولدي
وافتح نوافذ رغبة الشاعر بدون مزايده
...
واعيش في عالم جديد اليا انتهى بي يبتدي
بيض الأماني فيه لا راحت تجيني عايده !


أخوكم العاشق الشعر

تسلم اخوي على الأبيات الغاويه

لاتحرمنا من يديدك .

تسلم ع الكلمات و الله لا يحرمنا من اسانك اللي يقطر عسل